RINGTUHAI ENTAWN DING
“Isu’n ama thuhnuoiah iengkim Pa in a sie tah ti a hriet a, Pa a’nthawka hung a na, Pa kuoma bawk kir nawk ding a nih a. Chuleiin a tho a, a kawrchung chu a hlîpa, inhrûkna puon a kawngah a vêt a. Chu zo chun maihuonah tui a sunga, a ṭhuoihruoihai ke chu a sawp ṭan tah a, a kawnga a vêt inhrûknapuon chun a hrûk hul malam pei a.”
- Johan 13: 3-5
Vawisun hin hnuoi le vâna thuneina po po pêk ei nih ti hang hre thut inla iem thaw hmasa tak ei ta? Ei ngirhmun insângna ding, ei hlawkna ding le chan ṭhatna ding ei ngaituo nghal ring a um. Annawleh, a mi theidatu le ei theida zawnghai suk siet dan ding ei ngaituo nghal el dim? Eini rawi chu kohran, khawtlang le politics a hai thuneina ei chelek charin ei hmelhuot zawnghai diriem zawnga rorel le rawtna siem ei chîng nuom vieu.
Ei Lalpa Isu ruok chun, hnuoi le vâna thuneina le thilthawtheina po po ama kutah Pa in a sie ti a hriet chara a thaw chu, a tho a, maihuonah tui a sunga, a ṭhuoihruoihai ke bal a sâwp pek a nih. A sâwp chauh an nawh, a la hrûk hul ta deu deu!
Eini khawm thuneina le thilthawtheina ei phâk tawk ang peia inkawltir eini hai hi midanghai ke sâwpna le hrûk hulna (an rawngbawlpekna) in ei hmang ve ding a nih. Spiderman movie-a a changtupa Peter Parker kuoma a pate ‘Uncle Ben’ in a thi tawma a thu incha, “With great power comes great responsibility” ti kha eini ringtuhai kuoma ei Lalpa Isu thucha a ni ve a nih. Thuneina le thilthawtheina ei nei insâng po leh mi rawng ei bawl rawn pei
- Samuel Songate, August 18, 2010
