HUN NUHNUNGA UM EINI TAKZET TAH
“When you hear of wars and revolutions, do not be frightened. These things must happen first, but the end will not come right away.” – Luke 21:9 (NIV)
A chunga Bible châng, ei Lalpa Isu tawngbau ngei khi tulaia khawvel abikin middle east laia politics inlumlet dan vel le ngai kawp chun ei Lalpa Isu hung nawkna ding le khawvel tawpna ding chu a la bâk deu am a ni aw ti theiin a um! Amiruokchu history ei hang thlîr hla met chun hieng ‘wars and revolutions’ hai hi a lo tlungkim dai tah a, khawvel tawpna ding le ei Lalpa Isu hung nawkna ding hi iengtik lai khawm a ni thei zing an tah ti chieng takin ei hriet thei!
History ei en chun 1914-17 le 1939-45 laia Khawvel Indopui (World War I & II) hai bakah, indona inlâr zuol deu hai hieng - Vietnam War, Korean War, Falkland War, Gulf war, Six Days War, American Civil War, Spanish Civil War, Cold War hai bakah indona chi dang dang in a sip a. Thuthlung Hlui hun anthawk vawisun chen hin indo in tawp intai a nei ta nawh.
Revolution le inzawmin history a bawk hei thlir nawk in la. Dutch Revolution (1545), Chinese Revolution (1911), Russian (Bolshevik) Revolution (1917), American Revolution (1754-1763), French Revolution (1789), Indian Revolt of 1857 le a dang dang ramtin hmuntinah political revolution, cultural revolution, economic revolution le social revolution hai hriet ding a tam em em. Chuleiin tulaia Arab rambunghai le middle east laia buoina le inzawma Egyptian revolution le Tunisia rama Jasmine Revolution hai naw khawm hi khawvelin revolution hi a lo tawng rawn ta em em a nih.
Chun khi Bible changa ‘When you hear..’ a ti tak hi ei hang sui inthuk deu chun tulaia ei hun tawng mek IT Age (Information Technology Age) le hin ngaibel naw thei an nawh. Information technology hmasawnna leiin Wireless, Radio, Telephone, Satellite TV le Internet hai fethlengin khawvel hmun hrang hranga indo le thil thlung hai chu a minute le a darker la la in ei umhmun anthawkin ei lo hriet zung zung bâkah live ngeiin thiltlunghai kha ei lo thlîr thei tah!
A chunga Bible châng khat chauh anthawk khawm khin ei hun tawng hi hun nuhnung a khawm a lêr tieng, a hmawr tawta chuongkai ei ni tah ti naw ruol an ta nawh. Chuleiin khawvelin buoina le harsatna tuta neka let tama nasa hi a la hmasuon pei ding a nih. Chuonglai zing chun ringtuhai chu beidawng le thlaphang ding ei ni nawh. Ei Lalpa Isu ngeiin a lo hril lawk angin ei Intlanna Ni (Day of Redemption) ding chu a hung hnai deu deu lem a nih!
