The Editorial Team
Editor:
Samuel L Songate
Contributing Editors:
Stephen L Hmar
Laltharopui Zote
Design & Layout:
Ernest Thachunghnung
Disclaimer
Lighthouse magazine hi GenNext4Christ hmalakna a nih. Amiruokchu article inchuona umhai hrim hrim hi a ziektu ngaidan lieu lieu a nih a, GenNext4Christ lungril a ni vawng kher nawh. Chun, Lighthouse magazine-a thu le hlahai hrim hrim hi a ziektu hming indik tak inchuonin rawngbawlna dinga hmang sawng phal ni bawk a tih.
INHRIETTIRNA LE NGENNA
Mi tuelkhawm Lighthouse magazine a insuo ding sermon, article, testimony, Bible study, biography le a dang dang Pathien Thu le inmil ziek nuomhai chu iengtiklai khawm lawmlut zing ei nih.
Chun thalai nunghak le tlangvalhai ta ding bikin Love, Sex & Relationship ti Column buotsai tum a nih a, hi le inzawm hin mi tuelkhawm harsatna neihai ta dingin mani identity inchuon kher loin question / suggestion hai thawn thei ning a tih.
Chun hieng tieng kawnga mani personal experience anthawka mihai inchuk ding ziek nuom khawm ei um chun ei lawmlut zing a, a hnuoia e-mail address a hai hin thawn thei zing a nih.
lighthousemag@hotmail.com
saimokrk@yahoo.com
e d i t o r i a l: Lighthouse
Lighthouse chu tuipui kama in insâng (tower), lawnga inzintuhai ta dinga fena ding kawkhmutu le inhriettirtu a nih. Lighthouse a hin mei dam an sit vara, chu chu zan thim tham hnuoia khawm tuipui hla taka inthawkin lawnga inzintuhaiin an zuk hmu thei hlak. Tienlai lem chu lawngahai tulai angin navigation system \ha a la um naw leiin lawngpuhai ta dingin lighthouse hi a pawimaw êm êm.
Lawnga inzintuhai ta dinga \ium êm êm pakhat chu vakama lungpui khawkrawk, ngei tak tak le inzum fer fur, lawnghai khawm tet kawi hiel theituhai a nih. Hieng hmun \ium a hai hin lighthouse hi an sie a, chu chun lawnga inzin tamtakin an him pha hlak a nih.
Damlai tuipuia ei inzinna a khawm hin mani fena ding lampui indik hi hriet an tak nuom êm êm. Abikin khawpuia nu le pahai hmu phakloa um \halai tamtak damlai tuipuia an inzinnaa lampui inhmang leia suol thlipuiin a lên hmang mek le suolna lipuiin a lem zo mek tam tak ei um a. Chu bakah, \henkhat lampui indik hrawa inngai sienkhawm vakam lungpui khawkrawk le \ium tak takin a lo hmuok mek khawm ei um bawk. Iengtinam hieng sietna râpthlâk tak taka inthawk hin ei \halaihai hi san suokin an ta dinga lampui indik chu kawk hmu thei ei ta ti hi khawpuia nu le pa le fellowship \huoituhai mawphurna pawimaw tak chu a nih.
Hi le inzawm hin GenNext4Christ chun hun sawttak a ngaituo hnungin Lighthouse magazine hi a hung buotsai tah a nih. |halai tam tak vairam khawpuia inchûkna le sinthawna leia sung le kuohai hmu phakloa umhaiin damlai tuipuia ei inzinnaah lampui ei inhmang châng khawma lam indik mi kawkhmutu ding le hmun \ium tak tak, boral theina hmunhai anthawka mi venghimtu ding le thlaraua phîng\âm le dangcharhai hnemtu a ni ngei theina dingin hi magazine tlawm tak hi Lalpa’n hmang sien la ti chu tawp loa ei \awng\aina a nih. Tiemtuhai Lalpa’n malsawm seng raw se cheu.
Samuel L Songate,
Pune
Bible Study
ABRAM KOA UM THU
By Samuel L Songate
Genesis 11:27 - 12:9
Introduction: Bible-a Abraham chanchin ei tiem chang hin Abraham a felna le a ringna hrât zie hai ngawt hi tiem fûka, a message tak hmu \hel a awl nuom khawp el. Chuleiin tuta Abraham a chanchin ei study anthawk hin Abraham felnawnaah Pathien felna, a ringumnawnaah Pathien ringumna, a ringhlanaah Pathien thutiem ringum zie hai ei hmu theina dingin Thlarauin ei mit mi suk var pek sien ei nuom tak zet.
Historical Background: Abraham chu Kaldai ram Ur khawpui, tulaia Iraq ram (tienlaia Babylon/Mesopotamia ram) mi a nih a, a pa Terah chu milim bie (idolater) a nih ti Joshua 24:2 ah ei hmu. Bible scholar \henkhat lem chun ‘moon worshipper’ a nih an tih. Thilthawhai Bung 7-na laia Stephan thuhril anthawk khan Abraham kha Mesopotamia rama a um lai daia Pathienin a ko a nih. Sienkhawm Canaan ram pana an fenaah a pa Terah in Haranah umhmun a khuor pui ta lem a.
A pa Terah thi hnungin (Gen. 11-12) Pathienin a kona chu sukpuitling dingin a nuhmei le a u Nahor naupa Lota le a thil nei po po leh Haran anthawkin Canaan ram panin an thawk suok nawka, Canaan ram chu a tlung ngeia, sienkhawm ram Ar hmai ruol khawm a la nei nawh. Chuong chun Canaan ram chu Moreh thingsaisuo, Shechem chenin a fang suoka, chu taka chun a kuomah Lalpa a’n lâra, chu ram chu a thlahai kuoma a pek ding thu a tiem a. Abraham khawmin Lalpa kuoma chun maichâm a siem a. A tawpah Bethel le Ai khuo inkârah puon-in a kei a, chu taka chun Pathien kuomah maichâm a siem nawka, chu zo chun Negev tieng panin an tawl nawk pei ti ei hmu.
Life Application:
Ø Abrahamin Pathien a ko hmain Pathienin Abraham a ko ti ei hmu. Chuong ang bawkin eini khawm Pathien ei ko hma daiin Pathienin a mi lo ko an tah ti ei hriet nuom a um.
Ø Pathien kona dawng tlâkin Abraham khan thil\ha iengkhawm a thaw ti ei hriet nawh. Eini khawm \hatna reng reng neilo, malsawmna dawng tlâklo ni inla khawm Pathienin a mi lunginsietna lei lieu lieuin a naupa Isu-ah a mi hung thlang a nih. Johan 15:16 “Nangni’n in mi thlang nawha, keiin ka thlang lem cheu a nih..”
Ø Pathienin Abraham chu malsawm ding le mihai ta dinga malsawmna ni dingin ‘A piengna ram’ (country), ‘a mihai’ (People) le ‘a pa insung’ (father’s household) maksan dingin a hril. Eini khawm malsawmna ei dawngna ding le mihai ta dinga malsawmna ei ni theina ding chun tuta ei ngirhmun - ei insiengna ram (Suol le a thuneina), ei mihai/chipuihai (suol rawng ei lo bawlpuihai) le ei insung (ei pa Diebol ditzawng inlalna hmun) ei suoksan ve a \ûl.
Ø Abraham kuoma Pathien thutiemhai:–
“Hnam ropui takah siem ka ti che a, mal sawm bawk ka ti che.
I hming sukropui ka ta, nang malsawmna ni rawh.
Mal sawmtu che chu mal sawm ka ta,
|awngsie inphurtu che chu \awngsie inphur ka tih.
Hnuoia mitinrenghai nang fethlengin malsawmin um an tih.” (Gen. 12:2-3)
Pathien mi kona ei hriet chienga ei zui phawt chun hnuoia khawm hin ei thlahai chen Pathienin a la sukropui theia, taksa le thlarau malsawmna tamtak dawngin ei sung le kuo, ei khuo le venghai, ei kohran le ram le hnam ta ding chena malsawmna intluntu ei la ni ding a nih. Chu ding chun vawisun hin Lalpa’n nang le kei a mi ko ve a nih.
Ø Pathienin Abraham a ko chung changa hin Abraham felna umsun chu Gen. 12:4 “Chuong chun Abraham chu Lalpa’ n a hril angin a suok a;” ti lai hi a nih. Pathienin a umna ram suoksan dinga a ti kha zawna iengkhom siem buoi loin a suok tawp el a nih. Chu chu nang le kei khawmin tuta ei ngirhmun anthawk hin ei thaw ve thei. Tuta ei umna hmun, ei thilchîng \hanaw Pathien ditnaw zawnga ei hriethai, Pathien le inkâr hlietuhai chu iengkhawm zawna siem buoi loa ei maksan nghal chun Abraham angin malsawmna lampui ei hraw \an ve nghal ding a nih.
Ø Abraham hin a chêngna hlui Ur khawpui le Haran hai kha a maksan ringawt an nawha, ram thar, khaw thar a la fena ngai naw Pathienin a tina hmun Canaan ram tieng chu a pan a nih. Eini khawm ei thilchîng \hanawhai ei bansan ringawt niloin, ei la thaw ngailo thil\ha le thil thar, eg. nitina Bible study, Pathien le hun hmang (quiet time with God), mihai ta dinga \awng\ai (intercession), witnessing, worship, giving etc le thil dang tamtak thaw ding ei nei. Chuonga ei thaw chun Abraham angin ringnaah ei in\hanglien ve pei ding a nih.
Thukhârna: Pathienin Abraham a ko lai khan A lungrilah khawvela hnam tin le chi tin, nang le kei \hangsain ei um vawng a nih ti hriet a \ha. Tui lo (paddy field) neituin a lo po poa bu a phun dar hmain, changkuong 1/2 chauh a la buoipui phawta, tui a tinga, hnuoi\hatna a the a, bu chi a la’n so phawt ang khan, khawvel mihriem po po sandamna ding lungrila pai zingin mi pakhat Abraham-ah Pathienin ringna chi a hung inso \an a nih. Lalpa ropui raw se!. Chu ringna chi chu iengtinam Abraham a hringnunah hung in\hanglienin ra a hung insuo peia tihai chu ei la hung sui pei ding a nih. Pathienin a thu mal sawm raw se.
Article
SETAN HI BIEK TLAK A NI AM?
By Rev Lalrosiem Songate
Tulai hnaia Rengkaia inlâr em em chu Setan be pawl ei um ti thu hi a nih. An lâr ngang ning a tih, chanchinbu a hai khawm insuo in a um hiel tah. Setan bie hang ti ringawt khawm chu eini laia ding chun thil um ngailo a ni leiin pangzat khawm a sukum vieu el.
Rengkai Authority le Rengkhawpui Mail hai chun ngun taka sui a ni hnung khawmin Setan be pawl an um ti hrietna iengkhawm a umnaw leiin hieng thuthang hi Rengkai khaw sukhmingsietna a nih, tiin thusuok an siem (Rengkhawpui Mail Aug 29, 2010). An thu insuo anga an umnaw tak tak a ni chun lawmum a ta, amiruokchu an lo um tak tak a ni ruok chun an thusuok siem chu Setan lawmzawng tak a ni ka ring. Setan hi a ruk-a-rala sinthaw hlak a ni leiin a umnaw anga thusuok siem chu a modus operandi \hangpuitu nasatak a ni ring a um.
Amiruokchu Satan biekna hi kumzabi 17 lai daia inthawka kha Europe ramahai an lo nei tah a nih. America rama lem chu San Francisco a California Street an ti Richmond District lai khun Setan Kohran hi 1966 khan Anton Szandor LaVey (1930—1997) an ti pa hin a lo indin a nih. Hi an biekin hi ropui taka bawl a na, mi tamtak lem chun Eagles hai hlasak Hotel California ti le khan hi building hi an ngaikawp nghe nghe a nih. Ama bawk hin The Satanic Bible ti khawm a zieka, 1969 kum khan Avon Books haiin an publish nghe nghe a nih.
An pathien biek dan khawm Kristien sakhuoa Sacrament ei nei thlûr deu hin an fe a, anni ruok chun uoiin aiah thisen an hmanga, the ‘Black Mass’ an ti hlak a nih. Thisena inthawina hi an thupui em em a, ran thisen annawleh mihriem thisen chen khawm an hmang hlak. Chun an Setan biekna a hin sex hi an hmang nasa em em a, nunghak virgin ngei sex neipui hi an thiempuhai rawngbawlna chikhat a nih. Setan biehai inchikna pakhat chu Pentagram an ti, Arasi lim niawm tak a pâr panga nei, a laia Kêl (Goat) Lu um a ni a, hihi an ngai thupui em em a nih.
Setan an biek nasan tak pakhat chu khawvela hin ‘a \ha’ Good nekin ‘a suol’ Evil a hrât lem ti ngaidan an nei leiin a suol Setan chu biek tlâkah an ngai tlat a nih. Tienlai deu khan Dave Hunt Lekhabu ziek ka lak tawi ‘Rock Setan Hmangruo’ ti bu kan suo a, chu taka a hril dan lem chun Rock Star tamtak hai hin Setan hi malsawmna pe dingin an indawr pui hlaka, an record-a hai khawm hin Setanic
Backmasking an ti, Setan inpâkna thu, an hla record haia a letling zawnga khum dam hi an thaw hlak.
Hieng ang pawl inlâr em em KISS ei ti hai dam hi an hming lam sei chu KNIGHTS / KINGS IN SATAN’S SERVICE a lo ni dai a nih. Eini laia Setan biek a hluor nasan tak pakhata an hril chu Setan ei biek chun lekha khawm ei thiem thei, ngaizawng khawm ei dit dit ei nei thei, pawisa hmang ding khawm ei nei thei zing, ti hai an nih. Chuonghai chun tleirawl hai lungril a hne vieu ding a nih.
Eini nu le pa tamtak khawm lawi le bawng inhmang, thuomhnaw, kutsebi le \hi inhmang, pawisa inhmang hai hmukir theina ding a ni phawt chun Maibi le Maiba hai rawn khawm ei pawiti bik naw a na, ei tleirawl hai khawma ‘luck’ na ding a ni phawt chun Setan biek an lo nuom chu a mak bek naw chu a nih.
Setan in thil a thaw thei amiruokchu Pathien ang em chun a thaw thei nawh ti a nih (Setan is mighty but God is almighty). Chulei chun Setan thilthawtheina leiin a be nuom pawl ei um tina a nih. Amiruokchu, Setan malsawmna dit leia ama ei biek a ni chun a theitawk ang chu mi pe ngei a tih, anachu, Setan hi a nina hrim hrima khawm Hmelma, Seksetu a ni leiin a betuhai tawpna ding chu sietna, chatuon hremhmun a ni ding a nih. “Inruhmang (Setan) chu, inru ding le, sukhlum ding le sukse ding naw chun a hung nawh; kei (Isu) chu hringna an neina dingin, tamtaka an neina dinga hung ka nih.” (Johan 10:10).
A thilthawtheina leia a malsawmna thil \ha anga inlang dawng inla khawm ei tawpna ding chu Sietna a ni tho tho. Chuleiin Setan betu hai hin damsung tawitea ‘luck’ na ding le inhawi tina dingin Setan lakah an thlarau an zawr tina a nih. Thil rapthlak tak chu a nih. Chun Setan laka inpe tahai hi nuom elin an suok thei ta nawh ti hre bawk ei tiu. Setan hi a uma, a hringa, thil a thaw thei bawka, a be nuomhai ta ding chun biek thei chu a ni mawl el. Amiruokchu an tawpna ding chu Setan tawpna, Chatuon hremhmun a nih. Chuleiin khawvela hin lo ‘luck’ fahran chuong naw inla khawm, pawisa hmang ding nei zing theinaw inlakhawm, ei bawng le lawi, rangkachak le pawisa sum inhmanghai hmukir ta naw ding ni inla khawm, Setan laka inzawr êm nek chun mi hmangaitu Pathien ta dinga in sukthienghlima in suktum chu a \ha lem dai a nih.
“Ngaiven unla fimkhur ro, in khingpui Diebol chu sakeibaknei inrûm hlak angin a fak thei ding zawngin an vel ruoi hlak a nih.” (I Pet. 5:8).
Setan kohran hai inkhawmnaa Black Mass an hmang lai a video hi link a hin en thei a nih: http://www.youtube.com/watch?v=csXnBbv2RW4
Christian Youth Icon
KAKA HRINGNUN: ISU LE FOOTBALL
By Laltharopui Zote
“ Kum 1994-a baptisma ka chang \um khan, thil danglam tak ka chungah a tlung a. Ka hrilfie thiem el nawh, amiruokchu kha thil tlung anthawk khan Pathien ka hnai zuol bakah, a hma neka inthûk lemin ka hriet belsa a. Ka hringnun an thlakthlenga, a hma ang kha ka ni ta naw hrim hrim.” - Kaka
Intro: Ricardo Izecson dos Santos Leite ( Kaka tia hriet lar ) chu April 22, 1982 in Brasilia, Brazil-ah a pieng a. A pa, Bosco Izecson Pereira Leite chu civil engineer a nih a, a nu Simone Cristina dos Santos Leite ruok chu zirtirtu a nih. Kaka hi Evangelical Christian sungkuo \hatak a inthawka seilien a nih. A naupang lai chu Ricardinho( Richard te ) tia ko nisienkhawm a sangpa’n a lam thei naw leiin ‘Kaka’ tiin a koa, chu hming chu a put sawng pei ta a nih.
Naupang Lai Nun
Kum 8 mi chauh a ni laiin Kaka chu a pa’n football academy an zawm tir a. Brazil naupang tamtak hai ang bawkin professional player ni chu a thiltum a nih. Kum 12 mi a niin an kohran, Reborn In Christ Church-ah baptisma a chang a. Hi tum hin Krista ta dingin a hringnun chu a lo inhlân ta a nih. Chun football inkhelna tieng khawm chun titakna a hung suklang tung pei a. Football academy a khawm chun hun vawng a thiem el khelah lekha le football chu a balance thiem a. Bible Study le Athletes for Christ a hai chun a \hang hlaka chun a ruolhai le sung le kuo lai khawm huoitakin a ringna chu a witness hlak bawk. Hi lei hin a teammate hai ngaisang le inza a hlaw pha hle a nih.
Kum 15 mi a ni in a ta dinga professional contract hmasatak chu a sign a. Amiruokchu thil popo chu awlsam takin Kaka ta ding chun a hung in her suok el nawh. Myopia ( mit hrâtnaw leia thil hla hmu fie theilona ) a nei leiin contact lens a bun a \ûla, a khawhnung lem chun eye surgery a nei hiel a nih. Chun a tleirawl chanpuihai laka chun a dung an \hang hrat naw el bakah a chêr bik a, chuleiin mi nekin \hang khawm a let hniin a lak nasat a \ûla, an inkhel chang khawm inkhel ve phak loin bench-ah a um rawp hlak.
Pathien Thiltum
Kum 18 mi chauh a ni laiin Accident râpthlak tak el Kaka hin a tuok a. Waterslide-a an fiem lai chun a châng suola a lu tieng zawngin pool-a chun a tla thlaa, a hnungzâng ru a suksiet pha hiel a. An sungkuo chun Pathienin Kaka hringna a la hla leiin an lawm lai zingin a damna dingin an \awng\ai a. Zeng thei ngirhmuna um nisienkhawm thla hni zet khuma a zal hnungin maktakin a hung dam nawk a. Chu damna a inthawk chun Isu hnai nawk zuolna kawt a hung inhawng pek nawka, chun inkhelna tienga a thiltum le a beiseina a hung siem thar sa bawk.
Inlârna le Mawphurna
Chuong lai chun Kaka chu a club \hangna a chun superstar a hung ni nghal ta a. Kum 2001 chun Rio le Sao Polo haiin mipui 71,000 hmaa an inkhel \umin Kaka chu rambung hriet a hlaw a. Hi inkhelna a hin Kaka chun inkhel tawp tawm minute hni chauh a la um chun hnena goal pahni zet a thuna, an club ta dinga trophy vawikhat an lakna a ni nghe nghe. Chuonga inlârna vawrtawp chang nisienkhawm Kaka chun Pathien ropuina pek ding chu an hmai nawh a. Media-a interview a nei chang khawma football le a sakhuo chu a hril kawp rawp hlak. Chuonga a hung inlâr tung pei chun Pele le tekhi hiel a hung ni tah a. Nunghak tamtak el chu ama hrietfuk ni tum an tam ta hle. Amiruokchu hieng hai lei hin a petek nuom nawh a, ngaizawng khawm Pathien hun ruot hma chu a nei nuom nawh. Kum 2002 chun an rambung team-a \hang dinga thlang a nih a . Hi kum hin Brazil in World Cup an lak nghe nghe. Hi huna hin Kaka rawiin Pathien kuomah ropuina an peka, an lawm zie inentirna in slogan hieng “I belong to Jesus”, “God is faithful” le a dang danghai chu khawvel hmu dingin an tlangzar a. Chuongchun Kaka chu khawvel pumpui hmu dinga brand pawimaw tak a hung ni ta a nih.
A Nâkru Inhmang - Caroline
Kum 2002 hi Kaka ta dingin kum inchiktlâk tak a hung ni zui pei a. A nuhmei ding Caroline Celio leh an intawng a. Hieng lai huna hin Caroline chu kum 15 mi chauh la niin, Kaka ruok chu kum 19 mi a ni tah. Caroline chu Biekin a hai \huoiin a ringna chu a hril hlak a. Kristien a hung ni ve a, Krista ta dinga a’n pêk hnungin Kaka chun nuhmei dingin a ngairuot chau a nih. Kum 2005 in Venice hmuna Kaka’n Caroline a propose zo chun an innei a. Nupa ditum tak ni dinga kut insuina an nei hin Kaka le Calorine hai hi virgin ve ve an nih. Caroline hi gospel singer a nih a, a pasal chu Krista ta a nih ti chu hlim taka hrepuitu a ni bawk. Kum 5 hlimtakin an innei tah a, naupasal pakhat an nei ta bawk.
Thukhârna: Inlârna le hming inthangnahai hi midanghai le Pathien in\awmpui theina dinga platform \ha tak a nih ti chu Kaka hin an hmai nawh a. A lungrila an vawi lientak chu inlârna ni loin, mipuihai sandama an um le retheina le \âmnaa inthawka mihai sansuok hi a nih. Hi Krista pasal\ha kum 28 mi hin a priorities hai a hrietchieng em em – a hmasatakin a ringna, chun a suongkuo, chu zoah football. Hieng a hringnuna thil pawimaw em emhai a hin a la chieng am ti ama le ama an fie rawp hlak. Krista ta dinga êng la ni pei bawk a tih.
(Tv. Lal\haropui Zote hi St. Vincent College, Pune-a Third Year B. Com inchuklai a niha, thei ang anga Pathien ram ta dinga inhmang mi a nih. -Ed)
Book Review
Book: Can It Be True?: A Personal Pilgrimage Through Faith And Doubt
Author: Michael Wakely, forward by George Verwer
Binding: Paperback
Original publisher: InterVarsity Press (2002)
First Indian Edition: 2010
Publisher: Authentic Books
ISBN: 978-93-80737-09-6
Number of Pages: 224
Price: ` 99/-
Language: English
Hi lekhabu ziektu Michael Wakely hi Operation Mobilisation hnuoiah India, Pakistan le Middle East laia missionary sin lo thaw hlak a nih a, tuhin charitable organisation pakhat Starfish Asia a enkawl mek.
Kum iemanizat Middle East laia missionary sin a thaw sung khan Michael Wakely hin ringhlana hmel inthim khup el chu nuom le nuom naw thu niloin an hmai tawn pui rawp hlak.Sakhuo danghai ringna a hmua, ama hringnuna Pathien \huoina hriet harsa ti chang a hung nei bawka, chu bakah a Kristien chanpuihai indiknawna dam a hang hmu belsa pei chun, Pathien thu le ama ringna ngei khawm chu a ringhla naw thei ta nawh. A tak tak ni thei a ti? tiin a’n ngaituo rawp hlak.
Hi lekhabua hin Michael Wakely chun ringna le ringhlana (faith and doubt) hai hi ringtu hringnuna intlawn zing an ni zie le, chu ringhlana chu tosan el annawleh, hrietnaw tehlem thawa, ringhla ngailo ni awm taka um chu lêmderna a ni lem tiin a ziek. Thokang (mosquito) in a mi hung vêla ei na bulah a hung inri vang vanga, ei hang hawl hmanga, amiruokchu iemanichen hnungah ei na bula bawk a hung inri nawk ang el hin ringhlana hin ei ringtu kalchawina a hin thokang angin a mi zui zing a nih tiin a hril.
A ziektu hin a rawngbawl sunga a thil tuok (encounter) le a tawnhriethai (firsthand experiences) tam tak an chuon leiin tiem nuom a umin a praktikal thei em em. Ringhlana tamtakin tuom vel sienkhawm a hringnuna a thil tuok ta po hai a hang thlîr lêt changin, a lo ringhlanahai khawm chu insir nekin, Pathien thu indik zie suk chieng tu an lo ni lem zie a hung hriet suok a. Pathienin a thil thaw a hriet chieng a nih ti ring nghet tlata, ringhlana sumpui zing mup kara khawm var chi te de rien rien chel tlattu hai chu an kawl le kienga hai ta dingin nasataka var insuotu an lo ni lem hlak a nih.
A thuhma ziektu George Verwer, khawvela Christian Mission Organisation inlâr le lien pawl tak Operation Mobilisation hmu suoktu lem chun “Kei ka anga ringhlana insuolpui ve hlaktuhai ta dingin hi lekhabu hi a \angkaiin malsawmna nasatak a nih” tiin a comment.
100 Years of Christianity: Prospect & Challenges
By Stephen L Hmar
The emergence of the pioneering missionary with the “Light of the Gospel” was an event of great significance in the history of the Hmars. Erstwhile, some 1900 years back, St. Paul and his missionary friends turned the present Europe world upside down with the same message of the Gospel. Likewise, our world turned upside down and we were no more the same.
While many of us were drawing “back to Senvawn”, my wandering thoughts were taken back to a different world somewhere westward, a place called Wales. It was the revival in Wales during the early 20th century, which saw thousands of youth volunteers stepping out as a missionary to spread the Gospel to the unreached. The Great Revival was succeeded by World Missionary Conference or the Edinburgh Missionary Conference at 1910. The spirit of the Conference was driven by the watchword: “The Evangelization of the World in This Generation”. It was led by the spirit of Co-Operation and Promotion of Unity. In short, youth revival carried over by the spirit of evangelisation and commitment to co-operation and unity was the historical context out of which the pioneer missionary took their step towards our world some 100 years down the line.
Within the period of 100 years our churches has made immense progress and growth in terms of numbers and geographical area but not without problems and struggles. Our church history ravels the rise of great leaders in the field of administration, preaching, teaching, thinkers and so on. We have also seen the downfall of our church and mission, which the present generation but only could wish, would not have happened. Unfortunately, there are yet good numbers of ardent youngsters who are carried away by that seed of error which has led to one of the dark age of Hmar Church and Christianity.
However, with a handsome hundred years of Christianity, various observers have identified new movements within our churches and fellowships across the country. They are dynamic in nature, relevant in its content, intellectually competitive, and most importantly, presentable to the changing context. The Gospel which we preach and practice has to be commendable to God and people around. This will require us to transcend denominational barriers and build a common platform to discuss and debate on various prospects and challenges to our Gospel and Faith practice.
Today every individual is affected by globalisation. It has widened our windows of exposure and reach. We are witnessing a world which involves technological, economic, political, and cultural exchanges made possible largely by advances in communication, trans portation, and infrastructure.Unlike many of the tribal community who still does not have Bible in their own dialect, we have got access to it quit earlier. So much so, that, we have different versions of them. Needless to argue which one is the most genuine, or must be use; they all lay a foundation from where we begin a move towards evangelising our self and translating it to our neighbours. There are still spaces where our learned theological scholars can add on in matters of literary and textual criticism. Meanwhile, hermeneutical expertise also needs to be sharpen to make the raw facts live in the face of religio-pluralistic reality.
Innovations in technology have taken us further ahead. It has come with both positive and negative impacts of which we are well aware. There is also scope for Hmar Techno-evangelism as we have access to Bible through computers and mobiles. Fact of the matter is that we need not reach out in flesh but our gadgets and accessories can help reach our messages beyond boundaries. Social networking sites like facebook, Orkut, Mumbaihmar.com, Inpui.com etc are some platform from where we can exchange these messages and come up with thought provoking discussion. The idea may sound weird but there are instances in the Bible where a donkey played a role or two to carry out God’s mission!
There is increase in the number of field missionaries sent every year by our respective churches. Collectively we may be among the highest missionary sending church in the country. There is clarity of vision and mission amidst some criticism. Our mission strategy need to be bailed out of its market-base approach, spirit of ill-competition and capitalistic ideology of greater crown for greater achiever. Our strategy must be more participatory and co-operative. Distributive innovations for exchange of resources like man-power and technology with the support of selfless mission minded members and leaders will definitely take us to a new era of mission and evangelism which the soul of our forefathers has longed for.
We have received the Gospel the way it was presented to us in western clothing. We talk about God in western theological terms and definitions. Like it or not most of our theological debates resulting in division has its roots there. A line has to be drawn between our indigenous theology and western theology. Our understanding of Christian doctrines and dogmas necessarily need not be a reflection of theirs. How far can we go on relying on them when they have their own unresolved issues? We have to start building our own framework for theology. Consider the songs of our pioneer Christians; they have their own aura which indeed gets divorced from the west in many aspects. We have to revisit the spirit of our indigenous visionaries. I strongly believe that our ‘talk about God’ must be through our own lenses and perception.
There is also emerging need to place the role of experts and resource persons from various fields who can address issues on which the churches are still quite through intellectual writings. Our church-magazines are burdened with outdated sermons which are so evangelical that they don’t find relevance on earth. Sadly, we have not addressed more relevant Christian response to our reality. Issues related to unemployment, addiction, environment, women oppression, person with disability, economics etc. which are so much part of our daily life seems to be ignored. Our approach and scope of enquiry must be revived lest our publications will never reach the hands of growing intellectuals. On the other hand, educated intellectual from various fields must make effort to find some spaces for incepting their intellectual write-ups in these magazines and periodicals.
Issues related to denominational proliferation need to be raised with the Easter resurrection lest the root of division will be grounded deeper in the earth of misleading denominationalism. The young generation needs to transcend denominational barriers and unite the broken body of Christ at least to a level of co-operation and mutual understanding. There has been significant debate going on the possibility and rationale for re-unification. With the present power relation and administrative structure rationalistic critics have not seen any possibility of reunion until the second coming of Christ.
However, ardent idealist movement has started to emerge from the other end of diasporic world. Hmar Fellowships in Delhi, Guwahati and Mumbai to name few, has ceased to create any denominational labelling to their newly formed community of believers. This movement has to a significant extent helped gathering the members into a common umbrella of one fellowship. This pattern seems to be impractical in our traditional set up. The very reason is the cost of deconstruction of the old structure visible and invisible, within and outside the church which are rooted there from decades. No wonder, if things are not stitched in time, we may end up celebrating 100 years of division of so and so church!
Women’s’ role and participation is another important premise of discussion which demands extra attention. The church has to be redeemed from its patriarchal construct. There is a lesson to learn from the recently passed Women Reservation Bill. Why is the church still ambiguous and shut to discuss openly about the role and participation of women in decision-making and ministry? We talk and propagate on women empowerment, participation and emancipation. Has our single publication or assembly discussions brought the issue of women ordination? If the church has to be compatible with the world and re-form its strength women’s role and participation has to be re-considered without traditional prejudices. The politics of patriarchy which has long existed within our Church is contradictory to the whole understanding of creation narrative.
Our Christianity has reached a good handsome age; yet the church is still in slumber. We talk about heaven and hell forgetting that both come under the premises of realised eschatology. The church has the potential to create a paradise within it at the same time; it can create mayhem out of it as well. We are in the threshold of new thinking from where we see new paradigms and shifts which are more dynamic, relevant and presentable to the world outside and around. God presented God-self in every sphere of history and place in the way the world could perceive God. God’s intervention did not happen in vacuum. Prospects are laid in our table they need to be visualised, explored and finally implemented. Challenges are real and need to be addressed. Church will be questioned on issues and it has to answer its stand. It will be interesting to see the church’s response to certain issues which were laid above and many more which are still to come. Our engagement and intervention into these prospects and challenges will define whether we really worth hoisting the banner of “100 Years of Christianity”.
(Tv. Stephen Lal\anthang Hmar hi NEHU hnuoia M.Sc. a zo hnungin Union Biblical Seminary, Pune anthawkin B.D. a zo nawka, inchûkna tieng la sunzawm peiin tuhin Tata Institute of Social Science-ah MSW an chûk nawk mêk. -Ed)
MOBILE PHONE ADDICTION
- Samuel L Songate
Kumzabi 21-naa \halai laia ngawlveina (addiction) nasatak chu mobile phone addiction hi a nih tiin mithiemhai chun an hril. Mobile phone hin alcohol, cigarettes le drugs hai khawm a hluohlân vawng niin an hril bawk. Mobile phone hi puitling, tleirawl, naupang a tu tu ta ding khawma thil \ûl necessity a hung ni tah a. Abikin nu le pahai ta dingin an hmu phak loa an nauhai chin chang hrietna dingin a \angkai em em. Chun nuhmei le naupang makhât chauha um le fena neihai ta ding lem chun mobile phone neka security le companion \ha lem hi um kher naw nih.
Amiruokchu thil reng reng hi a merit a um chun a demerit khawm a um an lo ti hlak angin, mobile phone in mimal, abikin \halaihai a \hanaw zawnga a rûn nasat tak zie hi inhmai ruol an ta nawh.
Mobile phone addict hai umdan \henkhat –
ü Mobile phone an them naw chun an um \awk \awk thei nawh.
ü Thil dang nekin mobile phone-ah hun a hmang rawn tak.
ü Inchukna le sinthawnaah an lungril po po an pek thei nawh.
ü Bufak/inhnawm le mi le inbiek pum khawmin mobile an hmet an hmet hlak.
ü Sungkuo/ruolcham umkhawmna lai khawm um pei loin a hran daiin kil khatah phone bawk an lo va buoipui nawk hlak.
ü Zal pum khawmin zan sawt tak tak mobile phone an khela, imu an hmu \ha nawh.
Mobile phone hmangsuolnahai –
Texting: Short Message Service (SMS), Text Message Service (TMS) le Multimedia Message Service (MMS) hai hi a \angkai lai zingin a \hanaw zawnga hmangna ding a tam em em. Texting addict tak takhai chu motor khal, bufak le mi le inbiek pum khawmin an la text \awk \awk hlak. Motor khal puma texting thaw lem hi chu mani hringna el bakah mi danghai hringna chen ta dingin \î a um em em.
Sexting: Texting (SMS/MMS) tho a nih a, amiruokchu a text or picture message a khan nuhmei pasalna tieng le zamaw rawng kai, thu pawrche tak tak an inthawn hlak. Hmaisana \awngbaua an hril ngam naw hai khawm text message hmangin an hril el a, nasatakin nuhmei pasalna kawnga khawm suolna a sukpung a nih. Chun mi umdan mawinaw le um khawhlona thlalak le lim hai khawm thawn dar a awl em ema, insukhmingsietna le insukmuolphona khawmin an hmang nasa em em a nih. Sexting hi sap rama hai chauh ni ta loin ei ram north-east, a bikin Mizoram a hai dam hin naupang chauh nilo, nu le pahai lai tak tak khawm a nasa ta hle niin an hril.
Pornography: Tulaia mobile handset hai hi a changkang ta em em a, feature dang dang hieng – mp3/mp4 player, GPRS, Blue-tooth, Wifi, Video/Audio recorder, Camera, inbuilt memory bakah external memory card 1-8 GB chen umna dam a ni tawl tah a. Hieng feature hai hin pornography hieng – milim le film pawrche tak tak sie\hat (store) le inpeksawng/inthawnsawng a suk awlsam pha em em a, Setan in a hmang \angkai hle bawk.
Cyberbullying: Text message hmanga \awngbau \hanaw tak tak le in\hi\haina thu inthawn hi cyberbullying an tih. Abikin tleirawl lai a hluor em em a, a dawngtu ta dingin thil \hanaw tak tak an tlun thei a nih. Chun text message chauh niloin nuhmei pasalna, sinthawna le thil dang dang le inzawma ‘harassement call’ hai khawm hi a nasa em em.
Phone Bill: Mobile phone hmangtu a tam lem hi tleirawl le \halai, nu le pa thawsuok sa ring, pre-paid le post-paid connection bakah parents-paid hmang tu an nih. Hieng ang hai hin a \ûlna a chauh an mobile phone hai hmang loin, hieng - chatting, facebook, orkut, i-message,e-mail hai an la hei hmang uor nawka, namenloin \ûl loah an nu le pahai sum an suk hek a nih.
Fimkhurna ding: Pornography le inzawma suolna (crime) hi a nasa ta em leiin Police hai khawmin nasatakin hma an laka, bazaar, bus le train station, le lampuia hai dam hrillawk der loin mi phone an check pek thut hlak. Hieng ang milim le film \hanaw ei phone-ah ei lo siea Police haiin an hmu pal chun ho deua sum tamtak chawi annawleh lockup chen tlung theina a nih ti hi hriet a \ha.
Ngaituo ding: Mobile phone hin iengchenam ei mimal, sungkuo le society a mi dawmsanga ti hi ngaituo tham a nih. Inchuklaiha’n mobile phone hi ei career siemnaah ei hlawkpui chie am ti khawm hi ngaituo tham tak a nih. Chuleiin, \halaihai le tleirawlhai laia ei incha nuom chu, mobile phone tihai hi a \ûlnaa hmang ding a na, amiruokchu ei privacy, ei family, ei career, ei relationship sukbuoi khawp khawpin ei invêtchil ding an nawh.
Rev. H. Chungthang |hiek chun, “Zan dar 8:00 anthawka zingkar dar 7:00 inkâr sung po hi chu ka phone ka switch off hlak, a san chu Pathienin mobile phone hmangin a mi biek naw ding hi ka hriet chieng em el” tiin a hril. Ei thukharna dingin a hnuoia mobile phone invetchiltuhai \awng\aina dinga an phuok khu hei tiem sin hrim ta, I lungril a tawk khiet rawi mawh.
The Mobile Owner’s Prayer
Our CELLPHONE, who art in everyone’s pocket.
Hello be thy BALANCE,
Thy NETWORK come.
Thy RECHARGE will be done
On CREDIT if not in cash.
Give us this day our daily TOP UP.
And forgive us our MISSED CALLS
As we forgive those who give MISSED CALLS against us.
Bring us not into ZERO BALANCE,
But deliver us all our MESSAGES.
For thine is the TOWER,
And for all the NETWORK coverage,
For ever and ever so shall it be, AMEN.
Into the Father’s House
On the one hand there is the persistent memory of the past with its failures, hurts, shame, and guilt. On the other hand there is the revelation of the gospel that shows me who I now am in Christ.
In so many of our lives, the voice of condemnation drowns out the voice of revelation. It is so much easier to focus our eyes on us than on the Lamb. We become overwhelmed with the memory of our past rather than fixing our gaze on the robe, the ring, the sandals, the fatted calf-all symbols of our Father’s grace lavished upon us. We walk down that dark road to find a corner in the servants’ quarters.
Your journey to the Father’s house begins with that first step of changing your mind about who you perceive yourself to be and who you truly are. When you do change your mind about who you are, you will change you mind about where you live, moving out of the cold and isolated quarters of the servant into the warmth and intimacy of the Father’s house.
-John Sheasby with Ken Gire, The Birthright
Source: Zondervan’s Daily Inspiration
Jokes !
The Army of the Lord
A friend was in front of me coming out of church one day, and the preacher was standing at the door as he always is to shake hands. He grabbed my friend by the hand and pulled him aside.
The Pastor said to him, “You need to join the Army of the Lord!”
My friend replied, “I’m already in the Army of the Lord, Pastor.”
Pastor questioned, “How come I don’t “see you except at Christmas and Easter?”
He whispered back, “I’m in the secret service.” ~Anonymous
The Greek Priest
A Greek priest is driving down to New York to see a show, and he’s stopped in Connecticut for speeding.
The state trooper smells alcohol on his breath, sees an empty wine bottle on the floor, and asks, “Sir, have you been drinking?”
The minister replies, “Just water.”
The trooper asks, “Then, why do I smell wine?”
The minister looks down at the bottle and exclaims,
“Good Lord, He’s done it again!” ~Anonymous
CHANCHIN LAWRKHAWM
Tell A Tourist Rawngbawlna
London City Mission (LCM) le Open Air Campaigners (OAC) hai chun kumtin summer holiday hmanga London-a tourist hung fuonkhawm rawn lai tak July thla tawp vel hin bazaar hmun le tourist pungkhawmna hmuna hai Pathien thu an lo hril hlak. Tourist hai hîpna dingin Sketch Board dam hmangin Gospel message a lim leh ziekin an inentira, Sap \awng hre lo hai ta ding khawma hrietthiem a awlsam leiin a remchang em em. Eini India rama khawm hin khawthlang tieng mi tamtak tourist an hung hlaka, tamtak chu Hare Krishna, Sai Baba, Osho, Buddhism hmunpuihaia biekzin (pilgrimage) anga hung dam anni hlak. Iengtinam hieng ang hai lai hin Isu Krista Chanchin\ha lo hril ve thei ei ta? ti hi India rama Kristien hai ei ngaituo ding pawimaw tak a ni tah.
China Ramah Kristien Pung Hrât
China Daily chanchinbu in a ziek dan chun China sawrkar hrietpui Chinese Academy of Social Sciences in official survey a thawnaa chun China rama Kristien umzat chu Maktaduoi 23 (23 Million) chuong a ni tah. Communist Party hlun lo ni hlak, Kristiena inlet tah Xiao Zhao chun China sawrkar chu sakhuona tieng an hawng ta em em a, sawtnawte a chu China hi khawvela Kristien tamna tak a hung ni ding a nih tiin a hril. China hin ‘Kraws Thu’ hi a pawm vai a ni chun, khawvel pumpui ta dinga malsawmna a la ni ding a nih tiin a hril sa bawk. China hi khawvela Kristien sukdudatu laia a 10-na kai phak hiel hlak a nih. 2009 khan China a hin Bible 4 Million sut a niha, sienkhawm a la’n dai naw nasa hle a nih tiin Kua Wee Seng, Bible Society China Partnership-a a lu tak chun a hril.
President Barack Obama Muslim am Christian?
US President Barack Obama chun World Trade Centre hmun hlui Ground Zero bula Muslim Cultural Centre le Mosque bawl chu remtipuiin, “Muslim hai hin sakhuo dang ang bawkin America a hin sakhuo zalenna an nei ve a nih. Chu chun Lower Manhattan laia mimal rama Community Centre le Mosque bawl khawm a huomsa” tiin Congress memberhai, sakhuo \huoituhai, activists le sawrkar thuneituhai hmaah a hril. Hi lei hin mi tamtakin Obama hi Muslim a nih tiin an dem a, hieng lai zing hin ama chun “Ka ditthlangnaa Kristien ka nih a, mipui rawng ka bawlna hi ka Kristien thuring ka phursuokna a nih” tiin Kristien a ni zie a puong lang. “Kristien sakhuoa mi hiptu tak chu Isu Krista thu inchuktirhai hi a nih” tiin a hril sa bawk.
Benny Hinn: “Ka Family Ka Ngaitha Lei A Nih”
Television Evangelist Benny Hinn chun an nupa in\hena san chu a insung a lo ngaitha lei a nih tiin a hril. A rawngbawlna leia an zin suok rawn taluo leia a nuhmei le a nauhai hun a lo hmang tlawm pui taluo chu pawi a ti thu a hril sa bawk. A thuhril TV-a lo ngaithlatuhai kuomah “in insung ngaitha naw ro” ti’n an cha tawl. Benny Hinn nuhmei Suzanne chun tukum kum bul lai khan California-ah Divorce Paper a file a, an in\hena san chu an nupa karah ‘siem\hat nawk ruollo inngeinawna (irreconcilable differences) a um lei a nih tiin a ziek. Benny Hinn hai nupa hi 1979 khan an innei a, nau khawm pali lai an nei a nih. Pathien meu hmana hnuoi le van inremthei ta lo a Naupa neisun chânin a mi hung rem a na, hienga Pathien rawngbawltu nupa inngeinaw leia inremthei ta loa an in\he sawng el ding hi chu a pawi ngawt el.
Patna-ah Thuthlung Thar Copy Nuoi Khat
India state hai laia hnufuol le Kristien tlawmna pawl tak Bihar khawpui Patna-ah Thuthlung Thar Bible, No Greater Love kawpi 100,000 chu sungkuo thlangbikhai laia sem dingin Bibles For The World chun August thla anthawk khan hma a lak \an mêk. Chun hieng Bible sema umhai hi tiemtu haiin zawna le hriet belsa nuom an nei annawleh Isu Krista Lal le Sandamtua pawm nuom dam an um chun a bawzuitu ding Follow Up Team um bawk an tih tiin Pi Mawii Pudaite, President, Bibles For The World chun a hril. Bihar hi Operation World hai lem chun ‘graveyard of mission’ an lo ti hiel, Kristien missionary hai khawm sawt an um thei nawna, Kristien rawngbawlna hrim hrim a hlawtling theinawna hmuna ngai hlak a nih.
Stephen Hawking Lekhabu Thar: The Grand Design
Physicist hmingthang Stephen Hawking lekhabu ziek thar ‘The Grand Design’ chu tuta thla liemtah September 9 anthawk khan book store haia zawr suok \an a nih. Hi lekhabu a hin Stephen Hawking chun, “Universe hi Pathien siem ni loin law of Physics leia um a ni lem ” tiin a ziek. Ama vek hin 1988 kuma a lekhabu ziek ‘A Brief History of Time’ a khan “Mihriemin universe hung insieng dan po po ‘theory of everything’ hi ei hriet chun Pathien lungril ei hriet ding a nih” ti’n Siemtu (Pathien) a um angin a lo hril. Scientists haiin ei universe hung insieng dan chung changah ieng ang khawmin an ngaidan thleng ngun hai sien, ei Pathien thu’n “In the beginning God created the heavens and the earth” a ti chu vawisun chen hin a la pangngai zing.
India-ah Pentecostal Pastor Sukduda
Karnataka state-a kohran pakhat Gnanodaya Assemblies of God Church-a an pastor Shivanda Siddi, 45 chu September 26 khan Sunday Worship Service a nei lai misuol hawn khatin ‘force conversion’ a thaw tia intumin an va vuoka, a zakuohai an keithler pek hnungin Police an koa, an inmantir niin Global Council for Indian Christians chun a hril. Pastor Siddi hi IPC hnuoia Sec 295 dungzuiin Jail a thun nghal a nih. Tawngtaipui a \ûl hle.
Mumbai HCF September Beiruol
Hmar Christian Fellowship Mumbai chun ei ram tienga kohran haiin tiena tlanga inthawka ei lo hmang hlak angin September thla sung khan Chanchintha Thilthawtheina ti thupuia hmangin Beiruol an nei a, malsawmna tamtak an dawng niin chanchin ei lo hriet.
Ahmednagar-ah Hmar Fellowship
Ahmednagar District tienga Hmar inchuklai umhai chun liemtah August thla anthawk khan anni puola inkhawmna nei \an ve ta dingin Hmar Christian Fellowship Ahmednagar chu an lo indin ve der tah. Hi fellowship hi taksa le thlaraua a hung in\hang lien peia, inchuklai tam takin thlarau malsawmna an dawngna hmun ni ngei dingin ei magazine chun a ditsak hle.
Hmar Gospel Centenary Celebration Saikawtah
Hmar Christian Leaders Forum hmalaknain December 9-12 sung Saikawt khuoah pawl bik umloa hnam pumpui huopa Gospel Centenary lawmna ropui taka hmang ning a tih. Hi le inzawm hin Gosepl Centenary Music Department chun hlapawlpui 10000 Voice siem nisien a tih a, hla 8 thlang suok a niha, sound track khawm sem dawk mek a ni tah. Chun hi huna hla hai thuoitu dingin live band indin a ni bawka, anni hin programme sunga hlahai live in an rem vawng ding a nih. Programme hlawtling taka hmang a ni ngei theina dingin mitinin ei \awng\ainaah lo hrie seng ei tiu.
Guwahati Gospel Centenary Lawmna
Guwahati Hmar Christian Fellowship hai chun liemtah September 18-19 khan Gosepl Centenary lawmna ropui takin an nei. Hi Centenary lawmna a hin hmuntin ramtina inthawkin kohran thuoituhai an hang \hang tawl. Hlapawl khawm 100 voice indinin, choir uniform ringawta khawm cheng nuoi khat chuong an sêng ni’n chanchin ei lo hriet. December thlaa Hmar pumpui huopa Saikawt khuoa um ding ti loa chu tukuma Gospel Centenary lawmhai laia a nuhnung takna a ni tah.
Worship & Music
Mighty To Save
- Hillsong
Intro:
D2 A F#m E
Verse 1:
D2 A
Everyone needs compassion
F#m
Love that’s never failing
E D
Let mercy fall on me
A
Everyone needs forgiveness
F#m
The kindness of a Saviour
E D E D E
The hope of nations
Chorus:
A
Saviour
E
He can move the mountains
D A
My God is mighty to save
F#m E
He is mighty to save
A
Forever
E
Author of salvation
D A
He rose and conquered the grave
F#m E D2 A F#m E
Jesus conquered the grave
Verse 2:
D A
So take me as You find me
F#m
All my fears and failures
E D
Fill my life again
A
I give my life to follow
F#m
Everything I believe in
E D E D E
Now I surrender
Other:
D A E F#m D A E F#m
Bridge:
D
Shine Your light
A E
and let the whole world see
F#m D
We’re singing
A E
For the glory of the risen King
F#m D
Jesus, Shine Your light
A E
and let the whole world see
F#m D
We’re singing
A E
for the glory of the risen King
Hi hla phuoktu Reuben Morgan hi Hillsong Church, Australia-a an Worship Pastor a nih a, a hla hin 2009 GMA Dove Awards-a khan Best Worship Song a lak nghe nghe.
2010 July thla anthok khan Hillsong Live With Reuben Morgan US Tour chu nei a niha, an fena photah hi hla ‘Mighty to save’ hi Pathien in a hmang nasa em em a nih.
Hi hla thupui tak chu ieng dang niloin Pathien hrat le thilthawthei, tlanghai meu khawm sawnhmang thei hin misuol tirdakum tak khawm ni inla, a mi sandam thei a nih ti thu a nih.
Hieng lawm lawma Pathien hrât le thilthawthei nisi hin, misuol nang le kei a mi hmangai lei chauhin iengkhawm thaw theilo, hratna nei der lo ang elin Kraws lerah a hung thi a. A hratna le a thilthawtheina po po chu ama insandamna dinga hmang loin nang le kei a mi sandamna dingin a hung hmang lem a nih. Pathien inpakin um raw se! - Ed.
